Tuesday, September 9, 2008

Tuesday, September 9, 2008

VIRGO (Ago. 23-Set. 23) - Tanging ang pagiging maalalahanin at mahinahon ang makahahadlang sa namumuong hidwaan sa magkasintahan o mag-asawa. Kung idadaan sa init ng ulo at hindi pakikinggan ang panig ng kabila, tiyak na malaking gulo ang mangyayari. Pag-isipan munang mabuti kung anong kabutihan ang ibibigay na desisyon. Iwasang maging makasarili. Lucky numbers at color for the day ang 2, 9, 14, 30 at avocado green.

LIBRA (Set. 24-Okt. 23) - Hindi tamang sisihin ang taong nakagawa ng kapalpakan bagkus turuan nang tama at ipaliwanag kung ano ang mabuti upang hindi na maulit pang muli. Walang taong perpekto. Huwag magdamot ng karunungan dahil hindi ito madadala sa libingan. Lucky numbers at color for the day ang 3, 7, 32, 37 at indigo.

SCORPIO (Okt. 24-Nob. 22) - Mag-ingat sa mga sasakyan. Maging alerto dahil nakabuntot ang aksidente. Mag-ingat sa mga salitang bibitiwan nang hindi makasakit sa damdamin ng kapwa. Iwasang umawat sa mga nag-aaway. Makabubuting mamalagi sa loob ng tahanan kung wala rin lang gagawin. Lucky numbers at color of the day 5, 10, 25, 36 at dollar green.

SAGITTARIUS (Nob. 23-Dis. 21) - Bigyang-pansin ang trabaho kaysa ang alitan sa pagitan ng minamahal. Tama ang gagawin dahil kung sasalubungin ang init ng kanyang ulo ay lalong malaking gulo ang kahahantungan. Huwag mag-alala dahil paghupa naman nito ay magiging kasinlamig ng yelo at kailangan lamang ng yakap ng pagmamahal. Lucky numbers at color for the day ang 2, 3, 9, 37 at brown.

CAPRICORN (Dis. 22-Ene. 19) - Kung may galit sa kapwa o may problema sa ibang tao, bigyan ng sapat na panahon na huwag kausapin ngayon dahil hahantong sa di-pagkakaunawaan at malamang mag-away. Piliin ang higit na nakatatanda na makakasama at ilahad ang hinanakit ng kalooban upang mabigyan ng magandang payo sa dapat gawin. Ibang tao ang makatutulong sa taglay na problema. Lucky numbers at color for the day ang 5, 17, 25, 36 at emerald green.

AQUARIUS (Ene. 20-Peb. 18) - Hindi pagsisisihan ang pagpili sa mangingibig na napupusuan. Kung sasabayan ang init ng ulo ng kasamahan o kasuyo ay siguradong gulo ang kahahantungan. Kung papatulan ang mang-aasar o mangungulit, tiyak may hindi inaasahang mangyayari. Lucky numbers at color for the day ang 3, 12, 26, 39 at carnation pink.

PISCES (Peb. 19-Mar. 20) - Tiyaking maging presentable ang sarili dahil may mga taong makakaharap ngayon. Mas mabuting tulungan na lamang ang taong lalapit kaysa kutyain o sisihin sa kanyang kapalpakan. Huwag patulan kung may kasamahang mainit ang ulo. Mas makabubuting umiwas nang malayo sa gulo. Lucky numbers at color for the day ang 4, 13, 25, 37 at mint green.

ARIES (Mar. 21-Abr. 19) - Isang kabiguan ang magbibigay ng magandang aral. Napapanahong magkaroon ng mga bagong kaibigan at pagpapalawak ng mga koneksiyon. Panindigan ang gagawing desisyon. Isaalang-alang ang payo ng mga taong nagmamalasakit. Lucky numbers at color for the day ang 3, 7, 36, 41 at fuchsia.

TAURUS (Abr. 20-May 20) - Magpakatotoo at tiyak na kagigiliwan ng mga taong nakapaligid. Kung may kinaiinisan ngayon, magmasid at makiramdam na lamang at huwag nang magsalita. Ang problemang dinadala ngayon ay sariling kagagawan. Lucky numbers at color for the day ang 2, 11, 25, 36 at royal blue.

GEMINI (May 21-Hun. 21) - Ngayon lalong makikilala nang lubusan ang kasuyo. Mauunawaan kung bakit higit na kakaiba ang kanyang mga ikinikilos kaysa dati niyang gawi. Ang mga bakanteng oras ay dapat ibuhos sa pamilya kaysa gugulin sa pamamasyal. Lucky numbers at color for the day ang 5, 15, 25, 32 at emerald green.

CANCER (Hun. 22-Hul. 22) - Masigla sa umaga ngunit may problema sa dapithapon. Mapupunang inis sa iyo ang ilang kasamahan. Makabubuting harapin at kausapin sila nang masinsinan upang malaman ang tunay na dahilan ng problema. Madaling maresolba ang problema. Lucky numbers at color for the day ang 9, 12, 30, 37 at green.

LEO (Hul. 23-Ago. 22) - Makabubuting manahimik na lamang kaysa maghatid ng anumang hindi magandang balita dahil iba rin ang magiging kahulugan nito sa makatatanggap. Mahihirapang magdesisyon kung sino sa dalawang malapit sa iyo ang sasamahan. Ang mga praktikal na bagay ang dapat ipairal ngayon. Lucky numbers at color for the day ang 10, 13, 17, 24 at light green.

Monday, September 8, 2008

Lunes, Setyembre 8, 2008

VIRGO (Ago. 23-Set. 23) - May kaguluhan ang isip o ang trabaho sa umaga ngunit magiging normal ang sitwasyon sa dapithapon. Kung may mag-anyaya na sosyalan, pagbigyan dahil dito matatagpuan ang magandang pagkakataon. Lucky numbers at color for the day ang 3, 22, 35, 37 at red.

LIBRA (Set. 24-Okt. 23) - Huwag munang pakialaman ang pinakapaboritong gawain sa unang oras ng trabaho sa umaga dahil sa hangad na magtagumpay. Lucky numbers at color for the day ang 4, 14, 34, 39 at aquamarine.

SCORPIO (Okt. 24-Nob. 22) - May darating na mga pagbabago sa trabaho at kung naging pasaway noon, dapat baguhin upang hindi magsisi. Lucky numbers at color for the day 4, 29, 31, 39 at orange.

SAGITTARIUS (Nob. 23-Dis. 21) - Ibaling mo nang husto ang atensiyon sa gustong gawin para sa sarili kaysa pakialaman ang landas na gustong tahakin ng ibang tao. Ang naunsiyaming pangarap ay sariling kagagawan ngunit may malaking pag-asang makamit kung pagsisikapan. Lucky numbers at color for the day ang 2, 19, 22, 38 at cream.

CAPRICORN (Dis. 22-Ene. 19) - Kung may makasagupa na walang paggalang, siya ay larawan lamang ng sarili. Panahon ng pagbabago ng masamang ugali upang matamo ang paggalang at respeto ng kapwa. Lucky numbers at color for the day ang 4, 12, 18, 30 at blue.

AQUARIUS (Ene. 20-Peb. 18) - Hindi maiiwasan na magkaroon ng suliranin sa tahanan o pinapasukan ngunit mga simple lamang ang makakasagupa na kayang-kayang resolbahin. Lucky numbers at color for the day ang 16, 20, 31, 42 at brown.

PISCES (Peb. 19-Mar. 20) - Kung wala rin lamang mahalagang lakad ay makabubuting manatili na lamang sa loob ng tahanan. Kung may suliranin, maging bukas sa kapareha dahil alam niya at hinihintay lamang ang iyong pagtatapat. Lucky numbers at color for the day ang 1, 3, 24, 41 at green.

ARIES (Mar. 21-Abr. 19) - Mapalad sa iyong hanapbuhay kaya dapat paigtingin ang pangangalaga rito. Huwag padala sa sulsol ng iba o makinig sa mga tsismisan lalo at wala itong matibay na basehan o ebidensiya. Lucky numbers at color for the day ang 9, 17, 39, 41 at ocean blue.

TAURUS (Abr. 20-May 20) - Nasa kamay ngayon ang pagdedesisyon. Lawakan ang pang-unawa at timbangin ang bawat hakbang na dapat gawin. Kung saan sa inaakala mo ang tama at maligaya ay siyang dapat sundin. Lucky numbers at color for the day ang 7, 26, 30, 35 at fuchsia.

GEMINI (May 21-Hun. 21) - Kaunting panahon na lamang at mapapasakamay na ang tagumpay. Huwag bitiwan ang ginagawa at pangarap. Lucky numbers at color for the day ang 6, 14, 19, 24 at yellow.

CANCER (Hun. 22-Hul. 22) - Huwag sundin ang kutob dahil magkakamali. Pag-aralan muna ang mga bagay na dapat gawin bago kumilos upang makatiyak ng tagumpay. Lucky numbers at color for the day ang 8, 9, 17, 29 at white.

LEO (Hul. 23-Ago. 22) - Ang kayabangan ay kailanman hindi nagdudulot ng magandang bunga bagkus nakapagpapairita sa kapwa at kahihiyan. Walang magiging kalaban kung magiging mahinahon. Lucky numbers at color for the day ang 9, 13, 14, 31 at violet.